Nzambe azali moko, ye nkolo ya bikolo biso.
Tokosengnga na ye apesa biso bolingo mingi mpo na bapaya nioso bafandi na mboka Congo.
Na yango lelo oyo, tokosenga mpe Nzambe abatela
mpe atondisa kimia na ba mboka na bango.
Na sanza oyo bandeko ya mapamboli.com
basengi mabondeli mpo na bandeko
ya Angola na ya mboka Centrafrique.
Tika ete Nkolo abatela bango
mpe atombola ba mboka na bango.
Jupé Bongolo na baninga ya
mapamboli.com
baponi ndeko
Carine Fleur Edouard,
Moyembi ya sanza oyo
tokumisi Nzambe mpo na mongongo mpe esengo ya ndeko Carine
Pamba te, tango ekoki mpo ete kosambisama ebanda: mpe ekobanda na libota ya Nzambe; mpe soki yango ebandi na biso, bongo yango ekosuka ndenge nini mpo na bato oyo bazali koboya kotosa Sango Malamu ya Nzambe?
Mpe, "soki moto na sembo akobika na pasi mingi, bongo ekosuka boni na moto mabe mpe na moto ya masumu?"
1Piere 4 : 17- 18
Site de partage chrétien en Lingala, langue officiel du Congo et Centrafrique. Simplement différant en Lingala
Mapamboli na moto oyo aboyaka kolanda toli ya bato ya mabe, oyo atelemaka te na nzela ya bato ya masumu, mpe avandaka esika moko te na batioli. Kasi asepelaka na Mibeko na Yawe;
mpe akanisaka yango na nse ya motema na ye butu mpe moi. Moto yango azali lokola nzete oyo balona pene-pene ya mayi; oyo ebotaka mbuma na tango na yango; mpe makasa na yango ekawukaka te. Makambo nyoso oyo asalaka etambolaka malamu. Kasi ezali bongo te mpo na bato ya mabe; bango, bazali lokola matiti ya kokawuka, oyo mopepe epanzaka-panzaka.
Yango wana bato ya mabe bakotelema te na mokolo ya kosambisama, to mpe bato ya masumu kati na lisanga ya bato na sembo. Pamba te Yawe ayebi nzela ya bato na sembo; kasi nzela ya bato ya mabe ekobeba. Banzembo 1.
Mapamboli.com,
lisanga moke kati na internet
mpo na kopanza sango ya Nzambe.
Nkembo mpe lokumu na Nzambe ya bikolo nioso.
MOKANO NA BISO
Na nzela ya internet, mondimi nioso akoki koya Kolendisa bandeko, to baninga na ye, na mateya, maloba, bilili nioso oyo ezali na nzela moko na bibilia to na mpe mangomba ya bakristo.
MOTUNA TO MOKANDA
Okoki kokomela mokambi ya misala ya mapamboli.com.
Jupé Bongolo,
Kende na esika oyo ebongisami mpo na mokanda. Tika ete
Nzambe apambola yo.
MISALA NA BISO
Soki Nzambe alingi mpe akambi biso, Tokoyeba kobakisa boyokani ya kala. Okoki kopesa biso maboko, Ekozala esengo mingi, soki yo okoti kati ya lisanga ya Mapamboli.com.
MOKANO NA BISO
Mapamboli.com ezali lingomba ya
mayangani te.
Yango ezali lisanga oyo ebongisami mpo na mondimi nioso oyo alingi, azua esika ya kokumisa Nzambe na monoko na biso (Lingala).
